რატი კოჭლამაზაშვილი ფერმერთა ასოციაციას შემოუერთდა 2020 წელს და დღემდე იკავებს თავმჯდომარის მოადგილის პოზიციას. იგი პასუხისმგებელია რეგიონული ოფისების გამართულად ფუნქციონირებასა და ფერმერთა ინტერესების დაცვაზე. ასევე, აქტიურად არის ჩართული კვლევის თუ განვითარებაზე ორიენტირებული პროექტების დაგეგმვასა და მართვაში. რატი წარმოადგენს ასოციაციას ქვეყნის მასშტაბით და საერთაშორისო დონეზე, აქტიურად აჟღერებს ასოციაციის პოზიციას სხვადასხვა სამუშაო შეხვედრასა და მედიაში. იგი ხელმძღვანელობს „ფერმერთა სათათბიროს“ პლატფორმას, სადაც 20-ზე მეტი სექტორული ასოციაცია არის გაერთიანებული და ქვეყანაში წარმოადგენს ფერმერთა ინტერესების დაცვის მთავარ მექანიზმს. ამასთანავე, რატი ოჯახის წევრებთან ერთად კახეთში უძღვება მცირე ზომის ფერმერულ მეურნეობას.
რატის აქვს მრავალწლიანი გამოცდილება სოფლის მეურნეობის და სოფლის განვითარების პოლიტიკის დაგეგმვის და შეფასების კუთხით. იგი კონსულტაციას უწევს ისეთ საერთაშორისო ორგანიზაციებს როგორიცაა მსოფლიო ბანკი (WB), გაეროს სურსათისა და სოფლის მეურნეობის ორგანიზაცია (FAO), გერმანიის საერთაშორისო განვითარების თანამშრომლობა (GIZ) და სხვა.
იგი მუშაობდა ISET-ის კვლევით ინსტიტუტში აგრარული პოლიტიკის კვლევითი ცენტრის თავმჯდომარის მოადგილედ.
რატი გაცვლითი პროგრამით იმყოფებოდა აშშ-ში და მინესოტას უნივერსიტეტში ეკავა უმცროსი მეცნიერის პოზიცია. მას აქვს თბილისის სახელმწიფო უნივერსიტეტის ეკონომიკის მაგისტრის ხარისხი. სამაგისტრო ნაშრომზე მუშაობდა შვეიცარიის ფედერალურ ინსტიტუტში (ETH Zurich). იგი ასევე ფლობს ბიზნეს ადმინისტრირების ბაკალავრის ხარისხს (თბილისის სახელმწიფო უნივერსიტეტი).
გავლილი აქვს არაერთი საერთაშორისო და ადგილობრივი სასერტიფიკატო კურსი ეკონომიკის, აგრარული ეკონომიკისა და პოლიტიკის, და ლიდერობისა და მენეჯმენტის კუთხით. მათ შორის Teaching Fellow-ის და MASHAV-ის პროფესიული კურსები ჩეხეთსა და ისრაელში. FORWARD აკადემიის და LEO ინსტიტუტის ლიდერობის კურსები საქართველოში.
იგი ასევე იყო ლექტორი საქართველოს უნივერსიტეტსა და ილიას სახელმწიფო უნივერსიტეტში, სადაც ეკონომიკის პრინციპების კურსს კითხულობდა.
