საქართველოს ფერმერთა ასოციაცია წარმოადგენს 2012 წელს დაფუძნებულ ქოლგა ორგანიზაციას, რომელიც  აერთიანებს 5000-ზე მეტ ფერმერს, ფერმერთა ჯგუფებს, სოფლის მეურნეობის სხვადასხვა დარგის ასოციაციებს.ორგანიზაციის მიზანი და ხედვაა ფერმერთა შესაძლებლობების განვითარების ხელშეწყობით გაზარდოს სოფლის მეურნეობის პროდუქტიულობა ქვეყანაში, გააერთიანოს ფერმერთა ხმა მათი ცხოვრების დონის გაუმჯობესების მიზნით, ხელი შეუწყოს ფერმერთა კონკურენტუნარიანობის ამაღლებას და მათ მიერ ქვეყნის ეკონომიკის განვითარებაში შეტანილი წვლილის დაფასებას.ასოციაციის ძირითადი საქმიანობა ეფუძნება ფერმერთა ადვოკატირებას, შესაძლებლობების განვითარებას და კავშირების დამყარებას ფერმერების და მათ საქმიანობასთან დაკავშირებული სექტორების  გასაძლიერებლად. ასოციაცია შუამავლის როლს ასრულებს  და  ნერგავს საკომუნიკაციო მექანიზმებს მთავრობასთან და საერთაშორისო ორგანიზაციების წარმომადგენლობებთან, იცავს ფერმერთა ინტერესებს აგროინდუსტრიასთან დაკავშირებული პოლიტიკის განმსაზღვრელთან, დონორებსა და საერთაშორისო ორგანიზაციებთან, ჩართულია ფერმერების საქმიანობის განვითარებისთვის ხელშემწყობი შესაბამისი პოლიტიკის და ქმედებების განხორციელების პროცესში. 

ასოციაცია მომხმარებლებს სთავაზობს აგრობიზნესის განვითარებისათვის საჭირო მხარდამჭერ სერვისებს. 

ასოციაციას აქვს სამი რეგიონული ოფისი: კახეთში, იმერეთსა და სამცხე-ჯავახეთში.

ასოციაციამ შექმნა ფერმერთა სათათბირო და აგროტურიზმის განვითარების მხარდაჭერის მიზნით, დააფუძნა საქართველოს აგროტურიზმის რეგიონალური ასოციაცია (GARA).

საქართველოს ფერმერთა ასოციაცია არის ევროპის ფერმერთა და აგროკოოპერატივთა გაერთიანების COPA-COGECA-ს პრივილეგირებული პარტნიორი და მსოფლიო ფერმერთა ასოციაციის წევრი.