დალი ბარჯაძე 2021 წლიდან საქართველოს ფერმერთა ასოციაციაში (GFA) იკავებს ადამიანური რესურსების ლიდისა და გენდერული საკითხების კოორდინატორის პოზიციას. ის პასუხისმგებელია ადამიანური რესურსების მართვის ძირითად ფუნქციებზე და აქტიურად არის ჩართული გენდერული საკითხების კოორდინაციაში. პერიოდულად ატარებს ცნობიერების ამაღლების ღონისძიებებს დასაქმებულთა უფლებებისა და გენდერული ნიშნით ძალადობის პრევენციის შესახებ.
მას აქვს სამუშაო გამოცდილება როგორც ბიზნეს სექტორში რეკრუტერად („აჭარა ჯგუფი“), ასევე კონსულტანტად საერთაშორისო და ადგილობრივი პროექტების ფარგლებში (GARA, AgroDuo, WWF).
დალი არის კავკასიის უნივერსიტეტის სამართლის სკოლის (CSL) ბაკალავრი. გავლილი აქვს პროფესიული სასერტიფიკატო კურსები: BDO აკადემიის HR მენეჯმენტის კურსი; Recruiting Academy – The Ultimate Guide to Sourcing in the 21st Century; საქართველოს საზოგადოებრივ საქმეთა ინსტიტუტის (GIPA) „მართვის ფსიქოლოგია“; საერთაშორისო HR მენეჯმენტი (Behavance Georgia); ორგანიზაციული მართვა; UN Global Compact – ბიზნესის გამჭვირვალობა და შესაბამისობა. ასევე, დალი არის საერთაშორისო გაცვლითი პროგრამა MASHAV-ის კურსთამთავრებული.
