28-29 აპრილს თურქეთში, ქალაქ იზმირში გამართულ შეხვედრაში, საქართველოს ფერმერთა ასოციაციის სერტიფიცირების სპეციალისტმა ილია კუნჭულიამ და პროექტის ბერძენმა კონსულტანტმა, პროდრომოს კალაიძისმა, მონაწილეობა მიიღეს პროექტ „ბიოველიუს“ (აგრო-სასურსათო ღირებულებათა ჯაჭვში ბიომრავალფეროვნების გაზრდის ხელშემწყობი, ფერმიდან სუფრამდე აგენტზე დაფუძნებული სიმულაციური ინსტრუმენტი – BIOVALUE) ყოველწლიურ შეხვედრაში.
პროექტის ფარგლებში განიხილეს ციფრული ხელსაწყო, რომელიც საშუალებას იძლევა ღირებულებათა ჯაჭვში ბიომრავალფეროვნება შეფასდეს.
საქართველოს ფერმერთა ასოციაცია აგრო-სასურსათო ღირებულებათა ჯაჭვის ანალიზის მეთოდოლოგიების შესახებ კვლევის პროცესში აქტიურად იყო ჩართული.
პროექტი “BioValue” დაფინანსებულია ევროკავშირის „ჰორაიზონ 2020“-ის კვლევისა და ინოვაციების პროგრამის ფარგლებში, რომელიც 12 ქვეყანაში 17 პარტნიორი ორგანიზაციის, მათ შორის საქართველოს ფერმერთა ასოციაციის მონაწილეობით ხორციელდება.
