ილია კუნჭულია არის საქართველოს ფერმერთა ასოციაციის აგრონომიისა და სერტიფიცირების დეპარტამენტის სპეციალისტი, ასევე ორგანიზაციის ჯანმრთელობის, შრომის უსაფრთხოებისა და გარემოს დაცვის მიმართულებების ხელმძღვანელი. ორგანიზაციაში მის ძირითად საქმიანობას წარმოადგენს მიმდინარე პროექტების განხორციელება და ახალ ინიციატივებზე მუშაობა, ასევე ბიზნეს კლიენტებისთვის სხვადასხვა მომსახურების პაკეტების შემუშავება, შეთავაზება და პორტფელების მართვა. მისი პასუხისმგებლობაა ფერმერების დახმარება და კონსულტაცია, იგი ასევე ჩართულია ასოციაციის არაფორმალური და პროფესიული განათლების მიმართულებებში. ილია მუშაობს სასოფლო-სამეურნეო ღირებულებათა ჯაჭვების ხარისხის ინფრასტრუქტურის გამართვასა და ფერმერული მეურნეობების ბიზნესმოდელების განვითარებაზე, ხელს უწყობს მათ კლიმატგონივრული პრაქტიკებისა და სტანდარტების დანერგვაში, კანონმდებლობასთან შესაბამისობაში, სერტიფიცირებასა და ბაზარზე წვდომაში.
ილია საქართველოს ფერმერთა ასოციაციის, როგორც ერთ-ერთი მნიშვნელოვანი დაინტერესებული მხარე სოფლის მეურნეობის სექტორში, სახელით წარმოდგენილია და მონაწილეობას იღებს სხვადასხვა პროექტისა თუ პროგრამის შეხვედრებში, კვლევებში, კანონმდებლობის განახლების პროცესებში, სამუშაო ჯგუფებში, საბჭოებში რაც შეეხება კლიმატის ცვლილებებთან ადაპტაციას, სექტორის ნეგატიური წვლილის შერბილებას სათბური აირების გაფრქვევის მხრივ, სასოფლო-სამეურნეო ნარჩენების მართვას, აგროქიმიკატებისა და ბუნებრივი რესურსების მდგრად გამოყენებას და სხვა.
ილიას მიღებული აქვს ბიზნესის ადმინისტრირების ბაკალავრის დიპლომი (ილიას სახელმწიფო უნივერსიტეტი, 2014) და აგრონომიის მაგისტრის ხარისხი (საქართველოს აგრარული უნივერსიტეტი, 2016).
