აგრიტექის და ინოვაციების დეპარტამენტი

თამთა მამულაიძე 2017 წლიდან ხელმძღვანელობს საქართველოს ფერმერთა ასოციაციის აგრიტექისა და ინოვაციების დეპარტამენტს, ხოლო 2020 წლიდან არის კომპანია Agronavti-ს აღმასრულებელი დირექტორი. 2023 წლიდან მუშაობს Unity Academy-ში საგანმანათლებლო პროგრამების მენეჯერად. საჯარო სექტორში, განათლებისა და მეცნიერების სამინისტროსა და ფინანსთა სამინისტროს ქვეუწყებებში იკავებდა წამყვან პოზიციებს.

მიღებული აქვს საჯარო მმართველობის დოქტორის ხარისხი, საერთაშორისო ურთიერთობებისა და მსოფლიო პოლიტიკის მაგისტრის ხარისხი (Cambridge International College), ასევე საჯარო პოლიტიკის მაგისტრის ხარისხი (ილიას სახელმწიფო უნივერსიტეტი).

თამთა არის ასოცირებული პროფესორი ბიზნესისა და ტექნოლოგიების უნივერსიტეტში (BTU) და ლექტორი ევროპის უნივერსიტეტში, სადაც კითხულობს კურსებს საჯარო პოლიტიკის, IT პროექტების მართვის, აგრიტექის (საავტორო კურსი), ციფრული ტრანსფორმაციისა და ინოვაციების მიმართულებით.

თამთა არის 15-ზე მეტი სამეცნიერო ნაშრომისა და პუბლიკაციის ავტორი და თანაავტორი ხელოვნური ინტელექტის, აგროტექნოლოგიებისა და ეკონომიკური განვითარების თემებზე. მას მონაწილეობა მიღებული აქვს 20-მდე საერთაშორისო და ადგილობრივ კონფერენციაში სპიკერის სტატუსით.

იგი წიგნის „AgriTech AI“ იდეის ავტორი და ერთ-ერთი თანაავტორია.