საქართველოს ფერმერთა ასოციაციის ორგანიზებით, პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში“ ფარგლებში პირველი სამუშაო შეხვედრა გაიმართა.
პროექტის ფარგლებში შერჩეული ბენეფიციარებისთვის ჩატარდა ტრეინინგი ორგანიზებულ მართვის მენეჯმენტში, რომელიც მოიცავდა, ოგრანიზაციული სტურუქტურის, ემოციური ინტელექტისა და ლიდერობის საკითხებს.
პროექტის ფარგლებში მოხდება 50 ქალის შერჩევა, რომლებიც დასავლეთ საქართველოში ბიზნეს საქმიანობას ახორციელებენ. წლის ბოლოსთვის კი, ბორდი 50-დან 25 მონაწილებს შეარჩევს, რომლებიც ბიზნესის გაფართოების მიზნით გრანტს მიიღებს.
გაეროს ქალთა ორგანიზაციის მიერ ინიცირებულ პროექტში, რომელსაც საქართველოს ფერმერთა ასოციაცია ახორციელებს 25 ბენეფიციარი უკვე შეირჩა. მეორე გუნდის შესაქმნელად ისეთი ქალი მეწარმეების ძიება გრძელდება , რომლებიც დასავლეთ საქართველოში ბიზნესს მართავენ და სურთ საქმიანობის გასავითარებად ახალი ცოდნა და უნარი შეიძინონ.