ნატახტარში თანამედროვე სტანდარტებით აღჭურვილი საწარმო გაიხსნა, რომელიც მხოლოდ ადგილობრივი ნედლეულით წელიწადში 50 ტონაზე მეტ სხვადასხვა ხილის ჩირს დაამუშავებს. 

საწარმოში ჯამურად 1 700 000 აშშ დოლარის ინვესტიცია განხორციელდა, აქედან 250 000 აშშ დოლარი სახელმწიფო გრანტია, ხოლო 500 000 აშშ დოლარი შეღავათიანი აგროკრედიტი. 

კომპანიაში დაინერგება სურსათის უვნებლობის საერთაშორისო სტანდარტი – FSSC 22000. 

პროდუქცია სრულიად საექსპორტო ბაზრისთვის არის გათვლილი და ევროკავშირის ქვეყნებში გავა ექსპორტზე. საწარმოში 58 ადამიანია დასაქმებული. 

შეგახსენებთ, რომ სოფლის მეურნეობის პროექტების მართვის სააგენტოს მიერ განხორციელებული “ერთიანი აგროპროექტის” ფარგლებში დაფინანსდა 165 ახალი და 750-ზე მეტი მოქმედი საწარმო. მცხეთა-მთიანეთის რეგიონში შეიქმნა 9 ახალი და გაფართოვდა / გადაიარაღდა 9 საწარმო. 

წყარო:bm.ge