გუნდი

  • ნინო ზამბახიძე
    ნინო ზამბახიძე
  • თამარ თორია
    თამარ თორია
  • რატი კოჭლამაზაშვილი
    რატი კოჭლამაზაშვილი
  • ნათია ნინიკელაშვილი
    ნათია ნინიკელაშვილი
  • თამთა მამულაიძე
    თამთა მამულაიძე
  • საბა მესხი
    საბა მესხი
  • ანა წვერიანაშვილი
    ანა წვერიანაშვილი
  • ანნა ნიჟარაძე
    ანნა ნიჟარაძე
  • ილია კუნჭულია
    ილია კუნჭულია
  • ნათია მსხილაძე
    ნათია მსხილაძე
  • ნიკოლოზ მესხიშვილი
    ნიკოლოზ მესხიშვილი
  • ანკა ბაბუნაშვილი
    ანკა ბაბუნაშვილი
  • ქეთევან გოგოჭური
    ქეთევან გოგოჭური
  • ნათია გელაშვილი
    ნათია გელაშვილი
  • თეკლა გურგენიძე
    თეკლა გურგენიძე
  • ეკატერინე ლომინაშვილი
    ეკატერინე ლომინაშვილი
  • ანა ქობალია
    ანა ქობალია
  • კახი ჯაში
    კახი ჯაში
  • ქეთი ქადაგიძე
    ქეთი ქადაგიძე
  • კობა ჟორჟიკაშვილი
    კობა ჟორჟიკაშვილი
  • ნათია გრიგოლია
    ნათია გრიგოლია
  • დავით მამულაშვილი
    დავით მამულაშვილი
  • სიმონ წიქარიშვილი
    სიმონ წიქარიშვილი
  • არჩილ ღოღობერიძე
    არჩილ ღოღობერიძე

ნინო ზამბახიძე

2012 წლიდან დღემდე საქართველოს ფერმერთა ასოციაციის თავმჯდომარეა 2013 წლიდან საპარტნიორო ფონდს მრჩევლი იყო აგრო მიმართულებით. იგი 2008 წლიდან იყო აგრო კომპლექსი შპს „ჯორჯიან ბიზნეს ზონის“ აღმასრულებელი დირექტორი, 2010 წელს კი მან “რეგიონული განვითარების ასოციაცია” დააფუძნა. ნინო ეროვნული ბიზნეს დაჯილდოების – „მერკური 2011-ის“ მიერ „წლის ქალი მეწარმის“ საპატიო წოდებით დაჯილდოვდა. ის არის პირველი ქალი ლიდერი, რომელსაც 2012 წლიდან დღემდე, ჰილარი კლინტონის პატრონაჟით მოქმედი ორგანიზაცია „მოახდინე ინვესტირება მომავალშის“ ქვეყნის საპატიო კოორდინატორობა დაეკისრა. 2017 წელს ნინო ზამბახიძე მსოფლიო ეკონომიკური ფორუმის (World Economic Forum) წლის გლობალურ ახალგაზრდა ლიდერად დასახელდა. ნინო ბიზნესის ადმინისტრირებაში გრენობლის ბიზნესის ეკონომიკური სკოლის მაგისტრია. ამავე მიმართულებით, ის არის კავკასიის უნივერსიტეტის საერთაშორისო მაგისტრიც. 2016 წელს ნინო დასახელდა გრენობლის ეკონომიკური სკოლის მიერ წლის მეწარმედ ასევე, გავლილი აქვს სტენფორდი სუნივერსიტეტის ლიდერთა განვითარების აკადემიის კურსი „საჯარო პოლიტიკა კერძო სექტორის განვითარებაში“.

თამარ თორია

თამარ თორია საქართველოს ფერმერთა ასოციაციის (GFA) აღმასრულებელი დირექტორის თანამდებობას 2015 წლის იანვრიდან იკავებს. გარდა ორგანიზაციის ყოველდღიური საქმიანობისა, თამარი პასუხიმგებელია საინფორმაციო ცენტრის, საზოგადოებასთან ურთიერთობის, შესყიდვებისა და ლოგისტიკის, მობილური აპლიკაცია “აგრონავტი”-ს, სერტიფიცირების, პროფესიული განათლებისა და პროექტების განმახორციელებელი განყოფილებების საქმიანობებზე, ისევე როგორც ასოციაციის სტრატეგიის თანახმად, ასოციაციის წევრებისთვის შესაბამისი სერვისების შემუშავებასა და განხორციელებაზე. თამარი ასოციაციას და მის წევრ ფერმერებს სხვადასხვა სამუშაო ჯგუფებსა და საბჭოებში წარმოადგენს, სადაც, შესაბამისად, მათი ინტერესების გატარებას ემსახურება. ამასთანავე, თამარი არის ფერმერთა სათათბიროს მრჩეველი დონორებთან ურთიერთობის საკითხებში, ზოგადსაგანმანათლებლო დაწესებულებებისა და უმაღლესი საგანმანათლებლო დაწესებულებების საგანმანათლებლო პროგრამების სააპელაციო საბჭოს წევრი, ილია წინამძღვრიშვილი სახელობის კოლეჯის სამეთვალყურეო საბჭოს წევრი და სხვ. საქართველოს ფერმერთა ასოციაციაში მუშაობის დაწყებამდე, თამარი მუშაობდა ეკონომიკური განვითარების და სოფლის მეურნეობის პროგრამებზე საქართველოს სოფლის მეურნეობის სამინისტროში და სხვადასხვა დონორ ორგანიზაციებსა და პროექტებში, როგორიცაა საქართველოში დიდი ბრიტანეთის საელჩოს დიდი ბრიტანეთის საერთაშორისო განვითარების დეპარტამენტი (DfID), ათასწლეულის გამოწვევის ფონდი – საქართველო (MCG), და აშშ-ს განვითარების სააგენტოს (USAID) მიერ დაფინანსებული პროექტი „ახალი ეკონომიკური შესაძლებლობები“ (NEO). თამარს დამთავრებული აქვს თბილისის ი. ჭავჭავაძის სახელობის დასავლეთ ევროპისა და კულტურის ინსტიტუტი, საჯარო მმართველობის სამაგისტრო პროგრამა საქართველოს საზოგადოებრივ საქმეთა ინსტიტუტში (GIPA) და კორპორაციული სტრატეგიისა და დაგეგმვის სამაგისტრო სადიპლომო პროგრამა კემბრიჯის საერთაშორისო კოლეჯში. მას გავლილი აქვს არაერთი საერთაშორისო და ადგილობრივი სასერტიფიკატო მოკლევადიანი კურსი, არის სტენფორდის უნივერსიტეტის ლიდერთა აკადემიის (LAD) პოლიტიკის რეფორმის პროგრამის“ და USDA Cochrane პროგრამის „აგრობიზნესის მენეჯმენტი და მარკეტინგი“, ფრესნო, კალიფორნია, აშშ, კურსდამთავრებული.

რატი კოჭლამაზაშვილი

რატი [ირაკლი] კოჭლამაზაშვილი 2020 წლის მარტიდან შემოუერთდა საქართველოს ფერმერთა ასოციაციას. იგი იკავებს თავმჯდომარის მოადგილის პოზიციას. მანამდე, 2018-2019 წლებში რატი იყო საქართველოს ფერმერთა ასოციაციის მრჩეველთა საბჭოს წევრი. ბოლო ექვსი წლის განმავლობაში (2014-2019) რატის ISET-ის კვლევით ინსტიტუტში ეკავა აგრარული პოლიტიკის კვლევითი ცენტრის თავმჯდომარის მოადგილის პოზიცია. ამ პერიოდში მან როგორც პროექტის მენეჯერმა და მთავარმა მკვლევარმა, განახორციელა 20-ზე მეტი პროექტი, რომელიც საქართველოს აგრო-სასურსათო სექტორის თითქმის ყველა მიმართულებას მოიცავდა. 2012-2013 წლებში, რატი უმცროსი მეცნიერის პოზიციაზე მუშაობდა მინესოტას უნივერსიტეტში (აშშ).

ამასთანავე, რატი არის საქართველოს მეცხვარეთა ასოციაციის თავმჯდომარის მოადგილე (2014 წლიდან); თუშეთის განვითარების ფონდის თანა-დამფუძნებელი და აღმასრულებელი დირექტორი (2015 წლიდან); საქართველოს აგროჟურნალისტთა ასოციაციის მრჩეველთა საბჭოს წევრი (2018 წლიდან) და სხვ.

რატი ფლობს ეკონომიკის მაგისტრის ხარისხს თბილისის სახელმწიფო უნივერსიტეტიდან (თსუ). 2011 წელს ერთი სემესტრის განმავლობაში სამაგისტრო ნაშრომზე მუშაობდა შვეიცარიის ფედერალურ ინსტიტუტში (ETH Zurich). მაგისტრატურის დასრულების შემდგომ აგრარული ეკონომიკის მიმართულებით სწავლობდა და მუშაობდა აშშ-ი, მინესოტას უნივერსიტეტში (2012-2013). რატი ასევე ფლობს თსუ-ს ბიზნესის ადმინისტრირების ბაკალავრის ხარისხს.  2015 წელს მან გაიარა ჩეხეთში Teaching Fellow-ს კურსი, ხოლო 2018 წელს MASHAV-ის კურსი ისრაელში. 2015 წლიდან რატი ეკონომიკის პრინციპებს ასწავლის საქართველოს უნივერსიტეტში (2015-2017) და ილიას სახელმწიფო უნივერსიტეტში (2017 წლიდან). რატი თავისუფლად ფლობს ქართულ და ინგლისურ ენებს.

ნათია ნინიკელაშვილი

საქართველოს ფერმერთა ასოციაციის გუნდს 2018 წლის დასაწყისში შემოუერთდა როგორც პროექტების მენეჯერი. 15 წლიანი საბანკო-საფინანსო გამოცილებასთან ერთად აქვს ენტერპრენუარული გამოცდილება, იგი ქართული ინოვაციური სტარტაპის Soplidan.ge ს დამფუძნებელია. ნათია კავკასიის უნივერსიტეტის MBA-ს კურსდამთავრებულია.

თამთა მამულაიძე

2017 წლიდან საქართველოს ფერმერთა ასოციაციის გუნდის წევრია. ამჟამად იგი იკავებს მობილური აპლიკაცია „აგრონავტის“ მენეჯერის პოზიციას. თამთა ჩართულია ასოციაციის აპლიკაციის, ვებ-სივრცისა და ელექტრონული პლატფორმის  მართვის, კონტროლის და განვითარების საკითხებში. თამთას აქვს  საჯარო სექტორში სხვადასხვა მიმართულებით, მათ შორის მენეჯერულ პოზიციაზე 8 წლიანი  სამუშაო გამოცდილება.

თამთა ფლობს ილიას სახელმწიფო უნივერსიტეტის საჯარო ადმინისტრირების მაგისტრის ხარისხს. მას აქვს მინიჭებული ახალგაზრდა ტრენერის სტატუსი. ამჟამად იგი ტექნიკური უნივერსიტეტის საჯარო მმართველობის განხრით დოქტურანტურაზე სწავლობს.

საბა მესხი

2017 წლიდან საქართველოს ფერმერთა ასოციაციის გუნდის წევრია. თავდაპირველად იგი ჩართული იყო „სურსათისა და სოფლის მეურნეობის დარგში მცირე და საშუალო საწარმოების მხარდამჭერი ინიციატივა“ (FASSI) პროექტის ფარგლებშიკოორდინატორად. 2018 წლის აპრილიდან იგი გახდა სერტიფიცირების უფროსი სპეციალისტი.  საბა 2012 წლიდან 2017 წლამდე მუშაობდა სურსათის ეროვნულ სააგენტოში, საერთაშორისო ურთიერთობების დეპარტამენტში.

საბა ფლობს  ქართულ-ამერიკული ჰუმანიტარული უნივერსიტეტის საერთაშორისო ურთიერთობების ბაკალავრის ხარისხს. იგი ასევე არის საქართველოს აგრარული უნივერსიტეტის სასურსათო ტექნოლოგიების მაგისტრი.

ანა წვერიანაშვილი

2014 წლიდან შემოუერთდა საქართველოს ფერმერთა ასოციაციას, ფინანსური ოფიცრის პოზიციაზე. ანას მრავალწლიანი გამოცდილება აქვს ფინანსების სფეროში, კერძოდ აუდიტორულ კომპანია “როიალ აუდიტში”. იგი ტექნიკური უნივერსიტეტის სახელმწიფო მართვის ბაკალავრია.მას ასევე დამთავრებული აქვს ფინანსური და საგადასახადო აღრიცხვის კურსები საქართველოს პროფესიონალ ბუღალტერთა და აუდიტორთა ფედერაციაში.

ანნა ნიჟარაძე

საქართველოს ფერმერთა ასოციაციიის გუნდს 2017 წლიდან შემოუერთდა. პირველ ეტაპზე იგი სტაჟიორად მუშაობდა, შემდეგ კი ჩაერთო პროექტში – ,,სამუშაოზე დაფუძნებული სწავლება“, სადაც  პროექტის ასისტენტად განაგრძო მუშაობა. 2018 წლიდან ანნა ჩაერთო ევროკავშირის ახალგაზრდული ინიციატივის ფარგლებში ,,World Vision“ გერმანიის მიერ, საქართველოსა და სომხეთის ოფისებთან თანამშრომლობით წამოწყებულ პროექტში – ,,კომპეტენციები დასაქმებისთვის“  – სტრატეგიული აქტივობები ახალგაზრდებისთვის, ახალგაზრდების დასაქმების და უნარ-ჩვევების განვითარება’’, როგორც პროექტის კოორდინატორი. 2020 წლიდან ანნა ჩაერთო  „სამუშაოზე დაფუძნებული სწავლების“ პროექტის ფარგლებში დაფუძნებულ „სექტორული უნარების ორგანიზაცია’’ – ,,აგრო-დუო“-ში,  სადაც ის სამდივნოს ასისტენტის თანამდებობას იკავებს.

განათლება – GIPA –  საქართველოს საზოგადოებრივ საქმეთა ინსტიტუტი, სოციალური მეცნიერებების ბაკალავრის აკადემიური ხარისხი სპეციალობით საჯარო მმართველობა.

ილია კუნჭულია

საქართველოს ფერმერთა ასოციაციის გუნდს 2018 წელს შემოუერთდა. როგორც სერტიფიცირების  სპეციალისტი, მუშაობს ხილისა და ბოსტნეულის პირველადი წარმოების ხარისხის ინფრასტრუქტურის გამართვასა და ფერმერული მეურნეობების ბიზნეს მოდელების განვითარებაზე. ამავდროულად ასოციაციის საქმიანობაში ჩართულია აგროტურიზმის, განათლების, შრომის უსაფრთხოების, გარემოსდაცვითი და მდგრადი განვითარების მიზნების მიმართულებებით. ილია ფლობს ბიზნესის ადმინისტრირების ბაკალავრის ხარისხს (2014), არის აგრონომიის მაგისტრი (2016) და სწავლობს აგრარული ტექნოლოგიების სადოქტორო პროგრამაზე (2019-დან).

ნათია მსხილაძე

2018 წლიდან შემოუერთდა საქართველოს ფერმერთა ასოციაციის გუნდს. იგი ასოციაციაში კომუნიკაციის მენეჯერის პოზიციას იკავებს. ნათია ფლობს ტექნიკური უნივერსიტეტის ჟურნალისტიკის ბაკალავრის ხარისხს. იგი ასევე პიარისა და მარკეტინგული კომუნიკაციების სპეცილისტის სერტიფიცირებული დიპლომის მფლობელია.

ნიკოლოზ მესხიშვილი

2016 წლიდან შემოუერთდა საქართველოს ფერმერთა ასოციაციის გუნდს. ის პროფესიული განათლების ექსპერტია  და კოორდინაციას უწევს განათლების რეფორმის კომპონენტს სამუშაოზე დაფუძნებული სწავლების/დუალური მოდელის განცხორციელებას აგრარულ სექტორში.

ნიკოლოზს სამუშაო გამოცდილება მიღებული აქვს განათლებისა და მეცნიერების სამინისტროს პროფესიული განათლების განვითარების დეპარტამენტში სოციალური პარტნიორობის განვითარების სამმართველოს უფროსის პოზიციაზე.

ნიკოლოზი აფილირებული წევრია კემბრიჯის საერთაშორისო კოლეჯის მიერ და დამთავრებული აქვს ლონდონის მეტროპოლიტენის უნივერსიტეტის, ნიდერლანდების სტენდენის უნივერსიტეტის სამაგისტრო პროგრამა საერთაშორისო სერვის მენეჯმენტში. მან დაამთავრა თბილისის ეკონომიკურ ურთიერთობათა სახელმწიფო ინსტიტუტის საბაკალავრო და კემბრიჯის საერთაშორისო კოლეჯის ბიზნეს-მენეჯმენტის ადმინისტრირებისა და მარკეტინგის პროგრამები. მას გავლილი აქცს სხვადასხვა ადგილობრივი და საერთაშორისო კურსები. გამოქვეყნებული აქვს პუბლიკაციები ტურიზმის, საჯარო-კერძო პარტნიორობის, გეო-ინფორმაციული სისტემების მიმართულებით. გამოცემული აქვს სახელმძღვანელო „ფონეტიკა და ელემენტარული ლექსიკა არაქართულენოვანთათვის“.

ანკა ბაბუნაშვილი

2017 წლიდან შემოუერთდა საქართველოს ფერმერთა ასოციაციის გუნდს. იგი ორგანიზაციაში ასოციაციის მიერ შექმნილი მობილური აპლიკაცია „აგრონავტის“ პროექტის ასისტენტის პოზიციას იკავებს. ანკა პასუხისმგებელია აპლიკაციის საინფორმაციო ბაზის შექმნაზე, მომხმარებლებთან კომუნიკაციაზე და მარკეტინგული სტრატეგიის შემუშავებაზე. ანკა კავკასიის უნივერსიტეტის სახელმწიფო მართვის სკოლის სტუდენტია.

ქეთევან გოგოჭური

2015 წლიდან შემოუერთდა საქართველოს ფერმერთა ასოციაციის გუნდს.ამჟამად იგი იკავებს პროექტის მენეჯერის თანამდებობას. აქვს გამოცდილება მონიტორინგისა და შეფასების, კვლევის, ანალიზისა და მენეჯმენტის მიმართულებით. ქეთევანი ფლობს ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ბაკალავრის ხარისხს (2013) და ეკონომიკის საერთაშორისო სკოლის (ISET) ეკონომიკის მაგისტრის ხარისხს (2015). ამჟამად იგი არის კავკასიის უნივერსიტეტის ეკონომიკის დოქტორანტი.
2015 წლიდან ქეთევანი ილიას სახელმწიფო უნივერსიტეტის ბიზნეს სკოლის მოწვეული ლექტორია და კითხულობს ლექციებს შესავალი კურსი ეკონომიკის საფუძვლებში (მიკროეკონომიკა და მაკროეკონომიკა).

ნათია გელაშვილი

2017 წლიდან შემოუერთდა საქართველოს ფერმერთა ასოციაციაციის გუნდს მონაცემთა ანალიტიკოსის პოზიციაზე. ნათია 2017 წლამდე იკავებდა საქართველოს სტატისტიკის ეროვნული სამსახურის ეროვნული ანგარიშების სამმართველოს უფროსი სპეციალისტის თანამდებობას. მას აქვს მონაცემთა ბაზებთან მუშაობის გამოცდილება – კვლევების, ანალიზის, და მონიტორინგისა და შეფასების მიმართულებით.

ნათია ფლობს ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის (სპეციალობით მენეჯმენტი) ბაკალავრის ხარისხს და ეკონომიკის საერთაშორისო სკოლის (ISET) ინგლისურენოვანი პროგრამის მაგისტრის ხარისხს. ამჟამად, ნათია არის კავკასიის უნივერსიტეტის ეკონომიკის სკოლის დოქტორანტი. 2015 წლის ოქტომბრიდან დღემდე არის საქართველოს ეროვნული უნივერსიტეტის მოწვეული ლექტორი შემდეგ საგნებში: მიკროეკონომიკისა და მაკროეკონომიკის პრინციპები.

თეკლა გურგენიძე

2018 წლიდან შემოუერთდა საქართველოს ფერმერთა ასოციაციაციის გუნდს, სერტიფიცირების სპეციალისტის პოზიციაზე. იგი არის საქართველოს აგრარული უნივერსიტეტის აგრონომიის ბაკალავრი, მას ასევე განათლება მიღებული აქვს იტალიაში გაცვლითი პროგრამით. თეკლა მონაწილეობას ღებულობდა გაეროს განვითარების პროგრამაში UNDP – საქართველოს სოფლის მეურნეობის სფეროში პროფესიული განათლებისა და ექსტენციის სისტემების პროექტში, საქართველოს სასოფლო-სამეურნეო წარმოების ეფექტიანობის აღდგენის პროექტში USAID/REAP.თეკლა არის CNFA საქართველოს მიერ დაფინანსებული USAID/REAP პროექტის ფარგლებში განხორციელებული მარიამ ქუთელიას სახელობის საგრანტო პროექტის გამარჯვებული.

ეკატერინე ლომინაშვილი

2012 წლიდან შემოუერთდა საქართველოს ფერმერთა ასოციაციის გუნდს. იგი საინფორმაციო ცენტრის ლოჯისტიკის მენეჯერია. ეკატერინე პასუხისმგებელია ორგანიზაციში შემომავალი და გამავალი ზარების მონიტორინგზე, საინფორმაციო ცენტრის ოპერატორების მუშაობაზე, ფერმერებისთვის საჭირო ღონისძიებების გაცნობასა და აუცილებელი ინფორმაციის მიწოდებაზე, ასევე სხვადასხვა შეხვედრების ორგანიზებაზე. ფერმერთა ასოციაციის საინფორმაციო ბაზის განახლებასა და მის გამართულ მუშაობაზე.
2007 -2012 წლებში ეკატერინე იყო შინაგან საქმეთა სამინისტროს მინისტრის პირველი მოადგილის თანაშემწე. იგი არის საქართველოს ტექნიკური უნივერსიტეტის კურსდამთავრებული, მთარგმნელი- რეფერენტის სპეციალობით.

ანა ქობალია

2015 წლიდან შემოუერთდა საქართველოს ფერმერთა ასოციაციაციის გუნდს. იგი ორგანიზაციაში საინფორმაციო ცენტრის ოპერატორი და პროექტი ZRDA Activity in Georgia-ს ფარგლებში ადმინისტრაციული ასისტენტია.
ანა პასუხისმგებელია ქოლ-ცენტრის საინფორმაციო ცენტრის შეუფერხებელ მუშაობაზე. მას ევალება ქოლ-ცენტრის საინფორმაციო ცენტრის ყოველდღიური აქტივობების განხორციელება.
ანა თბილისის ივანე ჯავახიშვილის სახელობის სახელმწიფო უნივერსიტეტის ჰუმანიტარული ფაკულტეტის კურსდამთავრებულია, რუსული ენისა და ლიტერატურის სპეციალობით.

კახი ჯაში

2012 წლიდან შემოუერთდა საქართველოს ფერმერთა ასოციაციის გუნდს, ფინანსური მენეჯერის პოზიციაზე. კახის 17 წლიანი სამუშაო გამოცდილება აქვს ფინანსების სფეროში. მას დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის მაგისტრატურა ფინანსებისა და საბანკო საქმის კუთხით.

ქეთი ქადაგიძე

საქართველოს ფერმერთა ასოციაციის გუნდს დაარსების დღიდან შემოუერთდა. იგი ორგანიზაციის საინფორმაციო ცენტრის ოპერატორია.

ქეთი პასუხისმგებელია საინფორმაციო ცენტრის შეუფერხებელ მუშაობაზე. მას ევალება საინფორმაციო ცენტრის ყოველდღიური აქტივობების განხორციელება, როგორიცაა: მონაცემების  შეგროვება, სატელეფონო ზარებზე პასუხი, ფერმერთა საჭიროებების გადაწყვეტის გზების მოძიება და მათთვის კონსულტაციების გაწევა.

 

კობა ჟორჟიკაშვილი

2016 წლიდან საქართველოს ფერმერთა ასოციაციაციის გუნდის წევრია. იგი ლოჯისტიკისა და შესყიდვების განყოფილებას ხელმძღვანელობს. მის საქმიანობაში შედის ორგანიზაციის ლოჯისტიკის, ტრანსპორტისა და მსგავსი სერვისების დაგეგმვა/ხელმძღვანელობა, ასოციაციის მიერ განსახორციელები შესყიდვების პროცედურების წარმოება/ზედამხედველობა, ოფისის გამართული ფუნქციონირებისა და უსაფრთხოების უზრუნველყოფის მიზნით.

 

ნათია გრიგოლია

საქართველოს ფერმერთა ასოციაციაში 2012 წლიდან მუშაობს ბუღალტრის პოზიციაზე.

ნათია არის ტექნიკური უნივერსიტეტის სამთო გეოლოგიური ფაკულტეტის კურსდამთავრებული.

დავით მამულაშვილი

საქართველოს ფერმერთა ასოციაციაში ფინანსური ოფიცრის პოზიციაზე 2016 წლიდან მუშაობს. დათოს გააჩნია მრავალწლიანი სამუშაო გამოცდილება ფინანსურ სფეროში, 2016-2017 წლებში სხვადასხვა აუდიტორულ კომპანიებში ფინანსისტ-აუდიტორის პოსტს იკავებდა. იგი ასევე არის სერტიფიცირებული აუდიტორი და ერთ-ერთი აუდიტორული კომპანიის დამფუძნებელი.

 

სიმონ წიქარიშვილი

2019 წლიდან შემოუერთდა საქართველოს ფერმერთა ასოციაციის გუნდს. იგი იკავებს

პროექტის ასისტენტის პოზიციას Austrian Development Agency_ს (ADA) პროექტ

„ფერმერული მეურნეობების მხარდამჭერი ინიციატივა”_ში.

იგი არის კავკასიის საერთაშორისო უნივერსიტეტის ფინანსების ბაკალავრი. მას აგრეთვე

განათლება მიღებული აქვს მადრიდში, ესპანეთში ERASMUS+ გაცვლითი პროგრამით.

არჩილ ღოღობერიძე

საქართველოს ფერმერთა ასოციაციიის გუნდს 2020 წლიდან შემოუერთდა. პირველ ეტაპზე იგი სტაჟიორად მუშაობდა, შემდეგ კი ჩაერთო პროექტში – „Strengthening Women-led Agritourism Enterprises in Georgia“, სადაც  პროექტის ასისტენტად განაგრძო მუშაობა.

არჩილი გახლავთ აგრონომიის სტუნდეტი , აგრარულ უნივერსიტეტში